Китапханәчеләр өчен семинар

13 мартта Түбән Табын төп гомуми белем бирү мәктәбе базасында Мөслим районының мәктәп китапханәчеләре өчен "Мәктәп, гаилә, китапханә хезмәттәшлеге аша баланың китап укуга омтылышын үстерү" темасына семинар узган.
- Семинарда катнашучылар "Укытучы һәм остаз елы кысаларында оештырылган "Укытучылар кейсында яңа китаплар" дигән китап күргәзмәсе белән таныштылар. практик өлештә мәктәп театры тәкъдим иткән спектакльне, "Әниләр һәм балалар бергә белем алалар" исеме астында узган укучылар һәм аларның әти-әниләре катнашындагы викторинаны карадылар. Мастер-класс барышында уку грамоталылыгын формалаштыру алымнары белән таныштылар, - дип хәбәр итәләр мәгариф идарәсеннән.

Фото - мәгариф идарәсе архивыннан