«Искиткеч әйдаман» конкурсының муниципаль этабы узды

27 гыйнвар көнне мәктәптән тыш эшләр үзәгендә отряд вожатыйлары республикакүләм "Искиткеч әйдаман" конкурсының муниципаль этабы узды. 

Әлеге конкурста районыбызның 14 мәктәбеннән 14 әйдаман катнашты. Алар төрле сорауларга җавап бирделәр, мастер-класслар үткәрделәр, үзләренең талантларын күрсәттеләр. 

Конкурс нәтиҗәләре буенча беренчелекне - Мөслим лицее укучысы Зилә Әгълиева, икенче урынны - Мөслим гимназиясе укучысы Диләрә Минһаҗева һәм өченче урынны Тукай исемендәге Мөслим урта гомуми белем бирү мәктәбе укучысы Сөмбел Ибраһимова яулады. 

Барлык әйдаманнар мәгариф идарәсе исеменнән диплом һәм гимназия бассейнына сертификат белән бүләкләнделәр.