Инглиз теле укытучылар семинары уздырылды

 Мөслим гимназиясе базасында инглиз теле укытучыларының чираттагы утырышы узды. Семинар гадәти булмаган форматта, ягъни инглиз стилендә узды. "Педагог һәм остаз елы" кысаларында "Педагогик сәяхәт" уены уздырылды, анда укытучылар остазлары җитәкчелегендә педагогика һәм методика өлкәсендәге  белемнәрен искә төшерделәр. TED-дәрес алымнарын кулланып, кызыклы, мавыктыргыч мастер - класста катнаштылар. Үз хисләреңне аңлау, аларны контрольдә тоту һәм анализлау буенча тренинг үткәрделәр. Семинарның кульминацион мизгеле булып өйрәнелә торган тел илендә чәй эчү мәдәнияте һәм традицияләренә багышланган "Королева белән чәй эчү" сыйныфтан тыш чарасы булды.
"Бөтен бу дөньяны укытучы иҗат итә..." иҗади күргәзмәсе оештырылды.  Ул тагын бер тапкыр укытучының иҗатына чикләр юклыгын исбатлады. Семинар җылы  атмосферада узды, - дип хәбәр итәләр Мөслим гимназиясеннән.

Фото - Мөслим гимназиясе архивыннан