Тат.Бүләр авылында җыен

Тат.Буләр авылында үзара салым акчасының күләмен билгеләү буенча җыен узды. Җыенда район башлыгы Альберт Хуҗин катнашты.
Исәнсеф авыл җирлеге башлыгы Иршат Салихов 2022 елда үзара салым программасы ярдәмендә башкарылган эшләр буенча отчет тотты, киләчәккә планнар белән уртаклашты. 
Альберт Хуҗин үзара салым программасының әһәмиятен һәм җирлекнең бу өлкәдә яхшы гына эш алып баруына тукталды. Халыктан кергән сорау, тәкъдимнәргә җавап бирде.
Җыен азагында тавыш бирү юлы белән, үзара салым акчасын узган елдагыча 1000 сум күләмендә калдырырга, дип карар кабул ителде.