Тарихчы: Татарстанның Рәисе Каһирәгә, Тегеранга, Эр-Риядка килгәч, анда барысы да дөрес аңлар

«Рәис» термины Россиядә татарларның тарихи миссиясен - ислам дөньясында арадашчы булуны – бик яхшы чагылдыра. Казан тарихчысы һәм публицист Марк Шишкин «Татар-информ»га шундый фикерен әйтте.

«Әйе, Россиядә бу әлегә экзотик атама буларак яңгырый, әмма Татарстан Рәисе Каһирә, Тегеран һәм Эр-Риядка килгәч, анда барысы да дөрес аңлаячак. «Рәис» термины Көнбатыштан дистанцияләүгә һәм күп полярлы дөнья төзүгә Россиянең эчке сәяси трендын чагылдыра. Һәм тагын, бу термин белән республиканың иң әһәмиятле дәүләт вазифасын фольклорлаштырудан котыла алуы бик мөһим. Татарстан «башлык» белән ниндидер «җирле» атама арасыннан сайламады үзенең шактый саллы вариантын тәкъдим итте», - дип саный басманың әңгәмәдәше.

Татарстан Дәүләт Советы депутатлары республика җитәкчесе вазифасының «Татарстан Республикасы Рәисе» дигән яңа атамасын хуплады. Татарстан Конституциясенә үзгәрешләр кертелә торган закон проектын бүген республика парламентының 39нчы утырышында карадылар.

Бу хакта тулырак: https://tatar-inform.tatar/news/tarixcy-tatarstan-raise-kahira-tegeran-er-riyadka-kilgac-anda-barysy-da-dores-anlayacak-5864724