“Такси” профилактик операциясе башланды

25 октябрьдә “Такси” профилактик операциясе башланды. Ул 30 октябрьгә кадәр дәвам итәчәк. “Әлеге чараның максаты – такси йөртүчеләр гаебе белән булган аварияләрне киметү һәм профилактикалау. Бу көннәрдә төп игътибарны пассажирларны йөртүче транспорт чараларының техник торышына һәм кирәкле документларын тикшерүгә юнәлтәбез. Куркынычсызлык каешларын такмаган, таныклык, иминият полисыннан башка йөргән, юл билгеләренә игътибар итмәгән дүрт кагыйдә бозучыга административ беркетмә төзелде”, – дип хәбәр итә районның ДАИ җитәкчесе Айнур Хәйретдинов.

Фото - ru.freepik.com