Суд карары чыкты

– Ул көнне төштән соң ашыгыч төстә машина белән чыгып китәргә туры килде. Спиртлы эчемлекләр эчкәннән соң шактый вакыт узган иде инде, күрәсең, ал­коголь организмнан чыгып бетәргә җитешмәгән, – диде Әлмөхәммәтов, кызарып.

Райондашыбызның ка­нында спиртның тиеш­ле нормадан күбрәк булуы ачыкланган.

– Бу кешенең алкогольле эчемлекләр кулланганлыгы янына килү белән билгеле иде. Руль артына алкоголь­ле эчемлекләр кулланган хәлдә утыруның җинаять булуын күпләр һаман аңламый, – ди районның ДАИ инспекторы Феликс Мәгъданов.

Административ җинаять кылганы өчен Әлмөхәммәтовка суд тара­фыннан 30 мең сум штраф билгеләнде һәм бер ел да алты айга транспорт белән идарә итү хокукыннан мәхрүм итү турында карар чыгарылды.

Фото freepik.com