Су бетмәячәк

Басым булмагач, локаль су җылыту системасы да эшләми. Су басымы бер дәрәҗәдә сакланырга тиеш. Моны тәэмин итү өчен район үзәгендә хәзерге вакытта яңа су скважинасы булдырыла. Ул Сәнгать мәктәбе каршындагы элекке скважина янында булачак. Моннан тыш, район үзәгенә Вәрәшбаш һәм Ташлыяр скважиналарыннан да су килә. Бер ай элек политехник техникум янында да скважина тишелде. Аларның да басымы җитмәгән очракта, яңа автоном скважина ярдәм итәчәк. “Су басымы, нигездә, җәй көне генә төшә. Бу бакчаларга күпләп су сибү белән бәйле. Тагын ике скважина булдырсак, район үзәгендә су басымы проблемасы тулысынча хәл ителәчәк. Икенче елга бу эшләрне тәмамларга исәплибез”, – ди Мөслим авыл җирлеге башкарма комитеты җитәкчесе вазифаларын башкаручы Марат Байрханов.

Ләйсән Сабирова фотосы