Шатлык өләшәләр

Лариса Нуриева белән Виктория Мамлиева (рәсемдә сулдан уңга) – Мөслимнең алдынгы хат ташучылары. “Планны үтәми калганнары юк” ди алар турында Мөслим почта бүлеге җитәкчесе Ландыш Әхмәдуллина. Көненә йөздән артык “Авыл утлары” һәм тагын 200-300 данә башка газета-журналлар тарата алар. Хатлар, телеграммалар, котлау открыткалары, вак посылка-пакетлар таратудан тыш хат ташучылар иминиятләштерү белән дә шөгыльләнә, көнкүреш товарлары да сата.

Римма Афзалова фотосы.