Онлайн форматта очрашу

«Ультрикс Квадри» гриппка каршы вакцинасын эшләүче Павел Вандышев Мөслим районы башлыгы, җитәкче состав, медицина һәм мәгариф хезмәткәрләре белән онлайн форматта очрашты.
Очрашуда Павел Вандышев иммунопрофилактика системасы, гриппка каршы вакциналар җитештерү тарихы һәм технологиясе, коллектив иммунитет булдыруның мөһимлеге турында сөйләде.
- «Россия Федерациясе гриппка каршы вакциналар җитештерүне булдыру һәм арттыру өлкәсендә зур юл үтте, грипптан саклану өлкәсендә күмәк иммунитет булдырды. Бу – күп кеше тырышлыгы һәм безнең һәркайсыбызның шәхси җаваплылыгы нәтиҗәсе», - дип ассызыклады гриппка каршы вакцина эшләүче.
Шулай ук Павел Вандышев Мөслим районының гриппка каршы вакциналар җитештерүгә, аерым алганда «Чайка» фермер хуҗалыгының зур өлеш кертүен билгеләп үтте. Мөслим районында үстерелгән йомырка эмбрионнары Россия буенча ихтыяҗның 50% каплый.

*Вандышев Павел Евгеньевич «Н.Ф. Гамалеи исемендәге Милли тикшеренү үзәге» директоры урынбасары. Берничә препарат эшләү, вируска каршы вакциналар алу технологиясе өлкәсендәге проектларны тормышка ашыруга зур шәхси өлеш кертә. Гриппка каршы «Ультрикс Квадри» вакцинасын эшләүче, фән һәм техника өлкәсендә Н.Ф. Уткина премиясе лауреаты, Рязань өлкәсенең Мактаулы гражданины.