Мөслим табиблары авылларга йөри

Район поликлиникасының күчмә бригадасы авылларга барып, халыкка медицина ярдәме күрсәтә.

Март аенда бригада Краснояр, Баланлы, Торыш, Яңа Сәфәр, Үрәзмә-Чишмә авылларында булып кайтты. Бу айда исә Краснояр, Шуганка, Торыш, Яңа Сәфәр, Мәлләтамак, Симәк авылларына бару планга кертелгән. Ашыгыч ярдәм бүлеге фельдшеры Светлана Мөхәмәтҗанова авыл халкының кан басымын һәм кандагы шикәр күләмен үлчи, йөрәкләрен яздыра, гозер-үтенечләрен дә тыңлый. Авыруга, кирәк була калганда, беренче ярдәм дә күрсәтелә.