Фестивальнең йомгаклау тантанасы

Бүген "Казан Экспо“ халыкара күргәзмәләр залында" Йортыбыз - Татарстан” республика милли-мәдәни фестиваленең йомгаклау тантанасы узды.  

2022 елда Татарстан районнарында һәм шәһәрләрендә узган җиде зона бәйгесендә 3 меңнән артык кеше катнашты. Алар Татарстанда яшәүче дистәләгән милләтнең җыр, хореографик һәм инструменталь традицияләрен тәкъдим итүче 420 чыгыш күрсәттеләр.

Гала-концертта катнашу өчен, 900дән артык башкаручы, 70тән артык милли коллектив сайлап алынды.

Районыбыздан "Мөслим йолдызчыклары" хореография коллективы, "Түбәтәй" бию ансамбле, "Мөслим тугайлары" фольклор ансамбле, "Тургай" курайчылар ансамбле, "Ык буйлары" халык бию ансамбле әлеге зур концертта җиңүчеләр буларак чыгыш ясадылар.