Экология республика фестивале йомгакланды

Кичә Казан шәһәренең "Сәйдәш" мәдәни үзәгендә Татарстан Экология һәм табигый байлыклар министрлыгы вәкилләре катнашында 2022 елның Экологик сезонына йомгак ясау буенча "Чиста булачак!" ("Будет чисто!") республика фестиваленең йомгаклау чарасы узды.

Чара кысаларында 2022 елда экологик хәрәкәт активистлары тормышка ашырган проектларга йомгак ясалды, хәрәкәтнең актив катнашучыларын бүләкләү тантанасы үтте. Фестивальдә районыбызның "Мизгел" яшьләр үзәге белгечләре һәм Мөслим гимназиясенең "Экокалейдоскоп" берләшмәсе әгъзалары, аларның җитәкчесе Ләйсән Бариева катнашты. Барлык активистларыбызга ТР Экология һәм табигый байлыклар министрлыгының Рәхмәт хатлары тапшырылды, ә Эльмира Гамирова "Чиста булачак!" хәрәкәтеннән бүләк алды.

Фото - "Мизгел" яшьләр үзәге архивыннан