Бу көнне Мөслимдә

5 сентябрь

Орлык әзерләнә

“Михайловка” совхозы хезмәтчәннәре чәчүлек материал әзерләүгә җитди карыйлар. Н. Ежов, Г. Монасыйпов, Р. Дәүләтханов ОС-4,5 һәм КЗС агрегатларын тулы куәтенә эшләтәләр. Орлыкны чистартуда Т. Казакова, Н. Бакирова, Р. Хәйдәровага тиңнәр юк. Алар көн саен 110-120 центнер чәчүлек материал калибрлыйлар һәм амбарларга урнаштыралар. Хуҗалык буенча бүгенге көнгә 1050 тонна орлык әзерләнде. Чәчүлек материалны тиешле кондициягә китерү буенча барлык эшләргә баш агроном М. Садыйков җитәкчелек итә.

Р.Каюмов, баш экономист.

Фото – Мөслим-информ архивыннан