Бердәмлектә көч

Мобилизацизацияләнгән якташларыбызга өстәмә экипировка алуда ярдәм сорап райондашларыбызга мөрәҗәгать иттек.

Ике көн узганчы кирәкле сумма җыелды һәм әле бүгенге көндә дә ярдәм килеп тора. Барлык акчалар да ярдәм фондына тупланып бара, алар мобилизацияләнгән райондашларыбыз һәм аларның гаиләләренә ярдәм чыгымнарына кулланылачак.

Уртак тырышлык белән, 629 300 сумга 47 комплект рация, тактик разгрузка һәм перчатка алынды.

Район җитәкчелеге 20 ноябрь көнне автобус белән мобилизацияләнгәннәр янына туганнары, якыннары баруны оештыра. Әлеге җиһазлар егетләребезгә шул очрашуда тапшырылачак.

Бердәмлектә көч. Бүгенге вәзгыятьтә без моңа һәркөн инанабыз. Мөслимлеләрнең ир-егетләребезнең мөрәҗәгатенә ярдәм кулы сузуларына сокланмый мөмкин түгел. Изгелекләре өчен һәр райондашыбызга, эшмәкәрләребезгә ихлас рәхмәт сүзләрен җиткерәбез!