24 апрель көнне депутатка сорау бирергә була

24 апрель көнне 11 сәгатьтә, Россия Федерациясе Дәүләт Думасы депутаты, Дәүләт Думасының аграр мәсьәләләр буенча комитет рәисе урынбасары, авылны социаль үстерү һәм авыл хуҗалыгы комлпексы тармагында законлылыкны камилләштерү фракциясе эксперт-консультация советы җитәкчесе Айрат Хәйруллин онлайн-кабул итү үткәрә. Айрат Нәҗип улы белән Татарстанда яшәүче һәркем аралаша ала. Моның өчен 24 апрельгә кадәр, "Бердәм Россия" сәяси партиясенең региональ бүлеге рәсми сайтына кереп, форма тутырырга кирәк. Сорауларны шулай ук онлайн режимда да бирергә мөмкин. Кабул итүнең онлайн трансляциясен 24 апрель көнне 11.00 сәгатьтә "Вверх" порталы (werҺ-tatarstan.ru) һәм "Бердәм Россия" региональ бүлеге сайтында (tatarstan.er.ru) күреп булачак.