Йөзүчеләр Мөслимдә

 "Тамчы" йөзү бассейнында Татарстан Республикасы Мөслим районы ачык беренчелеге кысаларында Кыш бабай призына  йөзү буенча традицион ярышлар узды. Ярышларда Сарман, Аксубай, Балык Бистәсе, Югары Яркәй, Актаныш һәм Мөслим районнарыннан 160тан артык спортчы катнашты. Йөзү ярышлары  2008-2016 елгы балалар  арасында уздырылды. Катнашучылар 25, 50 100 метр араны аркада, кроль, брасс, баттерфляй ысуллары белән йөзеп уздылар. Малайлар һәм кызлар арасында эстафета ярышлары да үткәрелде. Җиңүчеләргә спорт мәктәбе грамоталары һәм медальләре тапшырылды.

Фото - спорт мәктәбе архивыннан