Футбол ярышлары узды

Мөслимнең спорт-сәламәтләндерү комплексында Рафаэль Садриев истәлегенә багышланган мини футбол буенча турнир узды. Ярышларда дүрт балалар һәм алты өлкәннәр командасы катнашты. Малайлар арасында беренче урынны Мөслим гимназиясе  яулады, икенче урында Мөслим урта мәктәбе,  өченче урында Мөслим лицее командасы. Ир-атлар арасында беренче өчлектә Азнакай, Мөслимнең ”Райцентр” һәм “Поколение” командалары калды. Җиңүчеләр һәм иң яхшы уенчылар грамоталар, медальләр, кубоклар белән бүләкләнделәр. Турнирның иганәчеләре, Рафаэль абыйның тормыш иптәше Рәшидә апа һәм кызлары булды.

Фотолар - спорт- сәламәтләндерү комплексы архивыннан