Ринат Таҗетдинов вафат

Россиянең һәм Татарстанның халык артисты Ринат Таҗетдинов вафат булган.

Кайгылы хәбәрне социаль челтәрдә җырчы Айгөл Бариева хәбәр итте.

«Эх… Шундый авыр хәбәр килде…

Безнең тагын бер легендабыз китеп барды…

Рәсәйнең һәм Татарстанның халык артисты Ринат абый Таҗетдинов.

Ринат абый, сиң мәңге безнең йөрәкләрдә.

Урының оҗмахта, рухың шат булсын. Иннә Лилләһи вә иннә Иләйһи Раджиун», – дип яза Айгөл Бариева.

Мәгълүматны «Татар-информ»га легендар актерның кызы Руфина Таҗетдинова раслады.

Ринат Таҗетдинов соңгы вакытларда авырды. Ул хастаханәдә вафат булган.

Фото – Татар-информ архивыннан 

Тулырак: https://intertat.tatar/news/rinat-taetdinov-vafat-5868997