Укучыларыбыз иҗаты рубрикасы буенча яңалыклар
-
Газаплы гомер
Тәрәзә каршында бик озак уйланып утырды Рәшидә. Аннары авыр, газаплы уйлар белән әкрен генә урыныннан кузгалды. Әйтәләр бит, тән җәрәхәте төзәлсә дә, йөрәктәгесе мәңгелеккә уелып кала, диеп. Уйлар, уйлар... Газаплы үткәннәрне ничек инде онытасың ди?
-
Үткәннәрне үзгәртеп булмый
Көтмәгәндә килеп туган соңгы хәл күңеле кытыкланган, шәһәрдә яңа тормыш башларга ашкынган Резедасына бик кулай булган икән. Икенче көнне Сәлимҗан, айнып, таң атканда уянып китсә, хатыны ята торган як – буш. Ул йоклаганда тегесе, үзенә кирәкле әйберләрен җыеп, алдан әзерләп куйган чемоданын алып, юкка чыккан. Өстәлдә “Мине эзләмә” дип, ике генә сүздән торган язу калдырган.
-
Үткәннәрне үзгәртеп булмый
(Дәвамы). Резеда Сәлимҗанның , нәзакәтләнмичә, турыдан ярып ни өчен авылга чакыруын башта ук аңлаган иде. Ул, әлбәттә, бик теләп риза булды. Алар авылга бергә кайтып төштеләр һәм бергә яши башладылар. Сәлимҗан хатынын яратмады түгел, яратты. Аңа – шәһәр кызы бит – күңеле булсын дип, балта белән эшләп тапкан акчасына ювелир әйберләр бүләк итте, затлы кием-салым һәм матур аяк киемнәре алып бирде. Атналар, хәтта ай буена диярлек читтә эшләргә туры килгән очракларда да хатыны янына аңа ошаган бүләкләр юнәлтеп кайта торган булды.
-
Үткәннәрне үзгәртеп булмый
Сәлимҗанның унынчы көн инде эчүдән туктаганы юк. Баш күтәрми эчү белән җәфаланган вакыты.
-
Туган нигез
Бу – минем туып-үскән нигезем... Бу – минем туган авыл! Моннан бик күп еллар элек әтиебез күрше Атлас авылыннан әниебезне шушы нигезгә алып кайткан.
-
Килен капкасы
Кая ул! Мунча бөтенләй ягылмаган иде ул көнне... Алдавы рәхәт тә бит, утырам калтыранып, ни белән бетәрен көтеп. Менә берзаман өй ишеге ачылып китте дә тастымал, мунчала, комганын күтәреп, Мәдхиямал әби килеп керде.
-
Килен капкасы
Кайда ничектер, ә менә безнең якта чит авылдан кияүгә килгән хатын-кызга исеме белән дәшмичә, Килен дип йөртәләр иде.
-
"Рябинушка" ансамбле
Сүзем Михайловка авылының танылган рус халык фольклор ансамбле "Рябинушка" турында.
-
Ак маңгай
Көтүдән кайтмаган Ак маңгаен ике көн, ике төн эзләде Салих карт. Былтыр кысыр калгач, суярга дип җыенган иде дә, карчыгы рөхсәт итмәде. Бик яратты шул инде Галия үзенең мүкләккәен!
-
Тарих эзләреннән. Совет цивилизациясе
Бер генә көн эшләмәдек без анда. Безнең килгәнне дә, киткәнне дә тикшерүче булмый, әмма тырышып эшләп кайта идек. Мөслимдә яшәгән икән чын коммунарлар, Николай Островский токымнары. Мөслимлеләрнең колхоз-совхозларга ярдәм йөзеннән, бушлай эшләгән эшләре чутсыз булды.
-
Күршелек
Кешелек дөньясында гаилә мөнәсәбәтләре иң алда торса, кардәш-туганнардан соң бер-берсенә иң якын булучылар ул – күршеләрдер. Динебез дә күршеләргә җаннарын, малларын, намус һәм даннарын үзара саклауны бер вазыйфа итеп йөкләгән. Күршеләргә ярдәм итү, күңелләрен күрү, кайгыртучанлык, кайгы һәм шатлыкларын уртаклашу, юк-бар нәрсәләр белән бер-берсен борчымаска тырышу – ата-бабаларыбыздан калган.
-
Яшьлек илендә
Сугыш чорындагы авылда тормыш таш гасырныкына тиң булса да, радио, электр, кино дигән нәрсәләрне белмәсәк тә, без кечкенәдән совет иленең патриотлары булып үстек. Мәктәп, укытучыларыбыз, әткәй-әнкәйләр безне илебезгә, халкыбызга бирелгәнлек рухында тәрбияләде. 1947 елда Минзәлә районы Бикбау мәктәбендә укыганда, унөч яшемдә комсомолга кердем. Мин үземне чын комсомолка дип тойдым, ни кушсалар да, үтәргә әзер идем. Беренче комсомол җыелышына, комсомол билетымны алып, кичкә таба берүзем Калморзадан Бикбауга киттем. Каршыдан салкын җил исә, кыйгачлап кар ява. Алда әллә нинди кара әйберләр тора... Бүре дип уйлап, тез буыннарым калтырый. Барып җиткәч, басуга чыгарылган тирес өеме икәнен күреп сөендем... Мөслим урта мәктәбен тәмамлаганда ВЛКСМ Үзәк Комитеты яшьләрне чирәм җирләрне үзләштерергә чакырды. Дус кызым белән, сүз берләшеп, “целинага” китәргә җыендык. Планыбыз барып чыкмады – әнкәйләр җибәрмәде.
-
Тарих эзләреннән. Совет цивилизациясе
“Үлгән арсланга ишәк тә тибә” дигән мәкаль бар. Безнең Совет иле дә шул арслан хәлендә. Кем генә, ниләр генә дип сүкми, ничек кенә типкәләми аны, бигрәк тә 1930-1953 еллар арасын.
-
Сагыну
Татарстанның атказанган табибы, югары категорияле хирург Ильяс Хәбибуллинга, исән булса, 90 яшь тулыр иде.
-
Казанга 1 сәгать оча идек
Бөек Ватан сугышы тәмамлануга бик күп кече самолетлар һәм очучылар эшсез калды. Кече самолетларга махсус төшү юллары булмаса да ярый, алар теләсә нинди тигез җиргә утыра алалар. Сугыш чорында әзерләнгән очучылар да җитәрлек. Бу СССРга тиз арада җирле һава линияләрен сузарга мөмкинлек бирде. Ә алар бик тә кирәк иде.