Телефонга кызыккан
Милек урлауда гаепләнүче 23 яшьлек ир-ат суд каршына басты.
Мөслим районы прокуратурасы 23 яшьлек мөслимлегә карата җинаять эше буенча гаепләү актын раслады. Ул РФ Җинаятьләр кодексының 158 матдәсе 2 пунктында каралган җинаять кылуда гаепләнә (зыян салып, кеше милкен урлау).
Тикшерү версиясе буенча, эш фигуранты спиртлы эчемлек кулланган хәлдә Мөслим авылында яшәүче танышының 5100 сумлык кәрәзле телефонын урлый.
– Тикшерү барышында гаепләнүче гаебен тулысынча таныды, кылганнарына үкенүен белдерде һәм зыянны тулысынча каплады, – дип хәбәр итә район прокуроры урынбасары Линар Әскаров.
Фото – Татар-информ архивыннан
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев