“Кышкы каникуллар” операциясе башланды

21 декабрьдән “Кышкы каникуллар” операциясе старт алды. Ул 10 гыйнварга кадәр дәвам итәчәк.
Масштаблы чара барышында балаларны транспортта йөртү кагыйдәләренең үтәлеше аерым контрольгә алыначак. “Юл йөрү кагыйдәләрен санга сукмаучы җәяүлеләрне дә контрольгә алабыз. Балаларның киемнәрендә яктырткыч элементлар булу мәҗбүри!
Балалар тарафыннан кагыйдә бозу очракларын ДАИ хезмәткәрләре белән бергә укытучылар һәм ата-аналар комитетлары да ачыклаячак. Чара барышында мәктәпләрдә профилактик әңгәмәләр үткәреләчәк,” – ди районның ДАИ җитәкчесе Айнур Хәйретдинов.

Фото - Freepik.com