Янгын турында хәбәр итү җайланмалары булырга тиеш!

Тукай районының Сәет авылында булган янгын бөтен Татарстанны тетрәндерде. Янгында җиде кеше (дүртесе – балалар) һәлак булды. “Янгыннарны кисәтү максатында рейд белән ялгыз яшәүче өлкәннәр янында, социаль яктан имин булмаган, күпбалалы гаиләләрдә булдык. Газ һәм электр җиһазлары алыштырылган йортларга кабаттан тикшерү үткәрдек. Янгын турында хәбәр итү җайланмалары һәр фатирда, һәр йортта булырга тиеш! Аларның төзеклеген тикшереп тору, батарейкаларын алыштыру – йорт хуҗалары карамагында”, – ди Мөслим һәм Сарман районнары буенча янгын күзәтчелеге бүлеге җитәкчесе урынбасары Илнар Идиятов.
 

Фото Татар-информ архивыннан.