Фермада янгын чыккан

27 март көнне кичке сәгать җиделәр тирәсендә Күбәк авылы янындагы фермада янгын чыккан. “Янгында зыян күрүчеләр һәм җәрәхәтләнүчеләр юк. Бина моңарчы файдаланылмаган булган. Электр белән тәэмин ителгән бинада чыккан янгынның сәбәбе –электр чыбыгындагы кыска ялганыш дигән шик бар, бина иминиятләштерелмәгән. Бүгенге көндә янгынның башка сәбәпләре ачыклана, тикшерү эше бара. Бу – ел башыннан дүртенче янгын очрагы”, – дип хәбәр итә Мөслим һәм Сарман районнары буенча янгын күзәтчелеге бүлеге инспекторы Вильям Тайбактин.

Вильям Тайбактин фотосы