Белгечләр киңәше

Районның ДАИ хезмәткәрләре кышкы тәгәрмәчләргә күчәргә киңәш итә. “Урамда һава температурасы 5 градус җылылык сакланганда тәгәрмәчләрне алыштырырга була. Өстәвенә узган атнада беренче кар төште. Бозлавык хасил булуы бар. Көн суытуга җәйге тәгәрмәчләр катылана, куркынычсызлык ягыннан кышкылары күпкә ышанычлы”, – ди районның ДАИ җитәкчесе Айнур Хәйретдинов. Машинага берьюлы шиплы һәм шипсыз тәгәрмәчләр куярга ярамый. Шулай ук төрле размердагы, конструкциядәге, төрле рәсемле протекторлы тәгәрмәчләр белән дә йөрү тыела. Көпчәк протекторларының тирәнлеге 4 миллиметрдан да азрак булып, тузган булса, юлда иминлек таләпләре үтәлми. РФ Административ хокук бозулар турындагы кодексы буенча шиналарга кагылышлы таләпләрне үтәмәгән өчен 500 сум күләмендә штраф каралган.

Фото - Freepik.com