Автоном җайланмалар төзек булсын

Социаль яклау бүлеге хезмәткәрләре эчке эшләр бүлеге хезмәткәрләре белән берлектә социаль яктан уңышсыз гаиләләрдә рейдта булды. Михайловка һәм Олы Чакмак авылларында яшәүче шундый гаиләләрдә янгын турында хәбәр бирүче автоном җайланмаларның төзек булмавы ачыкланганды. “Вакыт үтү белән янгын турында хәбәр бирүче җайланмаларның батареяларын алыштыру таләп ителә. Янгын куркынычсызлыгы таләпләренең үтәлешен тикшерү, кагыйдәләрне аңлату максатыннан автоном җайланмалар куелган йортларга рейдлар алга таба да дәвам итәчәк”, – ди Мөслим һәм Сарман районнары буенча янгын күзәтчелеге бүлеге инспекторы Вильям Тайбактин.

Фото - freepik.com