1 млн сумлык зыян

Узган ел районыбызда 30 янгын теркәлде. Янгыннар нәтиҗәсендә 1 млн сумлык матди зыян килде. Торак йортларда янгыннарны кисәтү максатыннан җирлегебездә “Торак – 2023” янгыннарны кисәтү операциясе үткәрелә. Аның кысаларында янгын сүндерүчеләр һәм полиция хезмәткәрләре, социаль яклау һәм җирле үзидарә органнары вәкилләре, күпбалалы, имин булмаган гаиләләрдә, ялгыз яшәүче өлкәннәрнең өйләрендә булып, янгын хәвефсезлеге кагыйдәләренең ничек үтәлүен тикшерә.