Яңа ел килде безгә!

«Бу чын яңа ел тамашасы иде. Артистлар кебек уйнап, коллектив өлкәннәрне һәм инвалидларны чын күңелдән шатландырды. Чарада Мөслим муниципаль районы башлыгы Хуҗин Альберт Робертович һәм җитәкчеләр катнашты. Социаль хезмәтләрдән файдаланучылар да , интернат-йорт хезмәткәрләре дә үз адресларына күп җылы сүзләр ишеттеләр. Директор Г.Г.Шакирянова барлык иганәчеләргә ярдәм итеп торулары өчен рәхмәт белдерде. "Бигрәк тә Илгиз Зәкиҗан улы һәм Кадрия Ягъфәр кызына без рәхмәтле. Киң күңелле бу райондашларыбыз безнең үтенечләребезгә һәрвакыт игътибарлы. Алар ярдәме белән Яңа елга учреждение бинасын бизәдек, чыршылар, телевизор, суыткыч, электр җиһазлары алдык, - диде Гөлнар Гарифяновна үзенең чыгышында. Шулай ук директор Шәймурзиннар гаиләсенә, Гөлназ Рәхимовага өлкәннәрне бүләк-күчтәнәчләр белән сөендергән өчен рәхмәт белдерде»,- дип хәбәр итәләр Мөслим картлар һәм инвалидлар интернат-йортыннан 

Фото – Мөслим картлар һәм инвалидлар интернат-йорты архивыннан