Г.Тукай исемендәге мәктәптә «Ярдәм янәшә» акциясе оештырылды

"Арабызда игелекле кешеләр күп булуы сөендерә. Мәктәбебез коллективы, әти-әниләре, укучылары көче белән зур күләмдә гуманитар ярдәм җыелды.
Шәхси гигиена кирәк-яраклары, җылы оекбашлар, озак янучы шәмнәр, үлән чәйләре, кәһвә, перчаткалар, ярмалар, токмач, консервалар, кул-бит тастымаллары, урын-җир кирәк-яраклары, киемнәр, татлы ризыклар, тиз әзерләнә торган ашлар, какланган каз ите, су, өнбагыш мае, медикаментлар җыелды.

Акциядә катнашучы һәркемгә ихластан рәхмәт. Кылган гамәлләрегез меңе белән үзегезгә кайтып ирешсен. Барчагызга да саулык-сәламәтлек, иминлек насыйп итсен, дөньяларыбыз тыныч булсын", - дип хәбәр итәләр Мөслим урта мәктәбеннән.

Фотолар - Мөслим урта мәктәбеннән.