“Тарихта без эзлебез» бәйгесенең зона туры узды

З.Басыйрова исемендәге мәдәният йортында зур чара үтте. Татарстан Республикасының Архив эше буенча Дәүләт комитеты тарафыннан игълан ителгән “Тарихта без эзлебез» шәҗәрә фестиваленең зона туры уздырылды. Сигез районнан килгән гаиләләр күргәзмә оештырып милли ризыклар, нәселдән-нәселгә тапшырыла торган ядкарьләр, өчәр йөз еллык нәсел шәҗәрәләрен тәкъдим иттеләр. Сәхнәдә һәр гаилә визит карточкасы белән чыгыш ясады. Анда сиксән яшьлек әби дә, өч яшьлек бала да биеде. Мәртәбәле жюри җиңүчеләр дип Ютазы районыннан Абдурахмановларны тапты. Мөслим районыннан Шакировлар гаиләсе икенче урынга лаек булды, өченче урынга Лениногорск вәкилләре калды. Җиңүчеләргә дипломнар һәм акчалата сертификатлар тапшырылды.

Рәмилә Сәләмова ​​ фотолары