Шәхси хуҗалык алып баручыларга дәүләт ярдәм итәчәк

Агымдагы елда республика шәхси ярдәмче хуҗалык алып баручы гражданнарга дәүләт ярдәме күрсәтәчәк. Бу максатлар өчен 200 млн сум акча каралган. Дәүләт ярдәменең төрләре дә шактый. Бу хакта 13 гыйнварда ТР Авыл хуҗалыгы һәм азык-төлек министрлыгында үткән киңәшмәдә министрлык вәкилләре, районнарның авыл хуҗалыгы һәм азык-төлек идарәләре начальниклары, авыл җирлекләре башлыклары һәм КФХ җитәкчеләре белән эшлекле сөйләшү булды. ЛПХ ларга ярдәм буенча әлеге программалар кабул ителгәннән соң, алар хакында тулы мәгълүмат җиткерербез.