Район башлыгы белән очрашу

Район үзәк китапханәсендә район башлыгы махсус хәрби операциядә катнашучы егетләрнең әниләре, тормыш иптәшләре белән очрашты.
8 Март - Халыкара хатын-кызлар көне уңаеннан оештырылган очрашуда Рүзәл Минһаҗев та катнашты, район үзешчәннәре моңлы җырларын бүләк итте. "Форпост" егетләре чәчәкләр таратты.

Махсус хәрби операциядәге егетләр алар белән очрашкан Рүзәл Минһаҗев видеоязмалары аша әниләренә, якыннарына, авылдашларына сәламнәрен юллады. Рүзәл чарада катнашучыларга китапларын бүләк итте. Әниләр кабат-кабат Рүзәлгә рәхмәт әйтте.

Очрашудан соң хатын-кызлар чәй артында хөрмәтләнде.

Римма Афзалова фотолары