Мөслим сәнгать мәктәбенең иҗади-отчет концерты (фоторепортаж+видео)
З.Басыйрова исемендәге район мәдәният йортында «Алга барыр юлыбызны һәрчак сәнгать юлы торыр яктыртып» исеме астында Мөслим сәнгать мәктәбенең иҗади-отчет концерты үтте.
Бәйрәм концерты алдыннан килгән кунаклар өчен әвәләү, милли орнаментлар ясау буенча осталык дәресләре күрсәтелде. Укучылар һәм аларның әти-әниләре әзерләгән рәсемнәр, кул эшләреннән торган күргәзмәне карарга мөмкинлек бар иде.
Шулай ук, рәсем бүлеге укучылары якташ язучыбыз Мөҗәһит Әхмәтҗановның иҗатына багышланган картиналар күргәзмәсе тәкъдим итте.
Моңлы җыр-бию, нәфис сүз, уен коралларында үз осталыкларын күрсәткән укучыларны тамашачылар алкышларга күмде.
Балалары, оныкларына "көч бирергә" килгән әти-әниләр, әби-бабайларның йөзеннән горурлык хисе бөркелде.
Якынлашып килүче Халыкара гаилә көне уңаеннан мәктәпнең тормышында актив катнашучы гаиләләр сәнгать мәктәбе җитәкчесе исеменнән Рәхмәт хатлары белән бүләкләнде.
Рәмилә Сәләмова фоторепортажы
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев