Гаилә квесты утте

Гаилә елы уңаеннан кичә Мөслимнең "Яшьлек" стадионында "Гаилә" квесты узды. Мөслим мөхтәсибәте "Мизгел" яшьләр үзәге белән бергә үткәргән әлеге чарада район Башкарма комитеты җитәкчесенең социаль-мәдәни үсеш буенча урынбасары Марина Бәдретдинова да катнашты. Ул уенда катнашучыларга изге теләкләрен җиткерде.

Ярыш форматында оештырылган бәйгеләрдә мәктәп яшендәге балалар бик теләп катнашты, аларга эне-сеңелләре дә кушылды. Әти-әниләр көч биреп торды. Уеннарда катнашучыларга татлы бүләкләр өләшенде, Ахырда районның имам-мөхтәсибе Илгиз Хәзрәт Сөнгатуллин квестка йомгак ясады. Барлык балалар истәлек бүләкләре алды. Чараны Әлмәт шәһәре имамы Рүзил Ихсанов мавыктыргыч итеп алып барды.

Гөлназ Җәлилова фотосы