«Ислам.Беренче адымнар» кыска курслары йомгакланды
«Аллаһның динен аңларга омтылган кешене Аллаһ мәшәкатьләрдән азат итәр һәм көтмәгән урыннан нигъмәтләре белән бүләкләр.» Хәдис.
- Кичә "Ислам.Беренче адымнар" кыска курслары йомгакланды. Укулар 28 январьда башланып китеп, 5 атна рәттән якшәмбе көннәрне оештырылды. Һәр мөселман кешесе белергә тиеш булган темалар өйрәнелеп, үзләштергәннәрне тест, викторина эшләп сынап карадылар. Дәресләргә 5 ир - ат, 32 хатын - кыз йөрде. Иң яшь укучыбыз 8 яшьлек булса, иң өлкәненә 74 яшь иде. Укучылар ислам шәригате кануннарын, намаз укырга өйрәнделәр, үзләрен кызыксындырган сорауларга җаваплар алдылар.
Курсларны уңышлы тәмамлаучыларга үзәкләшкән дини оешма - Татарстан Республикасы мөселманнары Диния нәзарәте Мөслим мөхтәсибәтеннән шәһадәтнамә, истәлек бүләкләре бирелде, - дип хәбәр итәләр Мөслим мөхтәсибәтеннән.
Фото - Мөслим мөхтәсибәтеннән
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев