Бу көнне Мөслимдә
Әлеге рубрикадагы язмалардан “Авыл утлары” газетасында яктыртылган вакыйгалар, яңалыклар хакында белерсез.
1970 ел, 22 декабрь
Байрак адресын үзгәртмәс
Менә ике ай инде безнең Каенсаз фермасы маллардан сөт савып алу буенча район нәсел фермалары арасында беренчелекне яулап, КПСС райкомы һәм район Советы башкарма комитетының күчмә Кызыл байрагына лаек булды. 11 ай эчендә безнең ферма буенча һәр сыердан 2929 килограмм сөт савып алынды. Эшнең болай уңышлы баруына сыер савучыларның һәм терлекчеләрнең намуслы хезмәте нигезендә, терлекләрне яхшылап ашату аркасында ирешелә.
Ф. Шакирова
Тынгысыз терлекчеләр
Калинин исемендәге колхоз сарык караучылары Мәскүрә Мәрдәншина һәм Мөгаллимә Корбиева фермага таң белән киләләр, кичен соң гына кайталар. Шулай булмыйча мөмкин дә түгел: сарыкларны вакытында ашатырга, эчертергә кирәк. Быел бу тынгысыз терлекчеләр һәр 100 сарыктан 112 бәрән алдылар инде.
Сәхифәне Наилә Сәлахова әзерләде.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев