Бу көнне Мөслимдә

24 июль. Өлгерлек күрсәтеп.

Хуҗалыкларда җәмәгать терлекләре өчен азык запасы туплау буенча зур кайгыртучанлык күрелә. Бу көннәрдә базларга сенаж тутыру бара. Җитәрлек күләмдә техника беркетелде. КСК-100 комбайны белән механизатор Заһир Төхбәгалиев аеруча өлгерлек күрсәтә. Яшел масса әзерләүдә өч КФУ-1,8 агрегаты катнаша. Алардан Р. Кашапов, М. Борһанов һәм А. Кушелеков нәтиҗәле файдаланалар. Масса ташучылар А. Галиев, Р. Сабиров, И. Хатипов, Т. Зарипов та җитез эшлиләр. Нәтиҗәдә 1500 тонна яхшы сыйфатлы сенаж салынды инде.

А. Сабирова, “Кызыл Октябрь” колхозы.

Фото – «Мөслим-информ»