Бу көнне

1989 ел, 15 апрель

Традициягә тугрылык

Район коры сөт заводы ел саен коммунистик өмәдә актив катнаша. Быел да өмәне үткәрү штабы төзелде, эш фронты билгеләнде. Бу көнне өмәчеләр завод территориясен чистарту, тәртипкә китерү белән мәшгуль булачак. Территориядә үрнәк тәртип һәм чисталык булдыруда 60 кеше, берничә техника катнашачак. Коммунистик өмә чын мәгънәсендә хезмәт бәйрәме төсен алыр. Бүгенге хәзерлек, кешеләрнең кәефе моңа ышаныч тудыра. Өмәдән кергән акчаны бишьеллык фондына күчерәчәкбез.

Н.Вәлиев,  район коры сөт заводы директоры.