Игътибарыгызга рәхмәт!

– Гомер тиз уза. Кайчандыр җир җимертеп тракторда, комбайнда, фермада эшләп йөргән абый-апалар олы яшьтә инде. Алар бармак белән генә санарлык калып килә. Инде үзебез дә күптән бабайлар.
Колхозлар беткәч, колхоз пенсионерларына игътибар да бетте. Көтмәгәндә “Август-Агро” фирмасы авылның барлык пенсионерларына күләмле пакетлар өләште. Без, Иске Вәрәш авылы өлкәннәре, “Август-Агро” фирмасы җитәкчеләренә олы рәхмәтебезне җиткерәбез, эшләрендә уңышлар, ныклы сәламәтлек телибез. Кылган изгелекләре үзләренә меңе белән әйләнеп кайтсын. Үзебезнең авыл җирлеге советы җитәкчесе Зөлфиябезгә дә рәхмәтләр яусын.
Сәламәтлек, эшендә уңышлар телибез. Күз тимәсен, Вәрәшбаш авыл җирлегенә дә тырыш, булдыклы хуҗа килде.

Мөхтәр Хафизов, Россия хезмәт ветераны