Җәмигъ мәчетендә

– Уку елы дәвамында укучылар белән тәрбияви әңгәмәләр, төрле мавыктыргыч чаралар үткәрәбез. Баланың үсешендә гаиләнең роле гаять зур. Гаилә баланы тормышка әзерли, сабый туып үскән гаиләсенә хас сыйфатларны үзендә чагылдыра. 16 сентябрь көнне укучылар Мөслимдәге Җәмигъ мәчетендә кунакта булды. “Бәхетле гаилә” муниципаль проекты кысаларында Түбән Табын интернат-мәктәбе укучылары һәм аларның әти-әниләре өчен “Тәрбияле бала – ил терәге” исемле тәрбияви чара үтте. Рифат хәзрәт Сибгатуллин әти-әниләргә вәгазь сөйләде, Эльмира Хафаева укучылар өчен уеннар һәм мастер-класс күрсәтте, интернат-мәктәп тәрбиячесе Резеда Бухарова пластилинография буенча мастер-класс үткәрде. Тәрбия чарасы табын артында дәвам итте.

Гөлназ Әхмәтова,  Түбән Табын интернат-мәктәбенең директор урынбасары

Фотолар - Түбән Табын интернат-мәктәбе архивыннан