Чаллыда - каз ярминкәсе

 10 декабрьдә авыл хуҗалыгы һәм азык-төлек идарәсе тарафыннан Чаллы шәһәрендә  «Каз өмәсе» логотибы астында каз ярминкәсе оештырылды. Сату биш ноктада барды. Алучыларга яңа суелган казлар, каклаган, тозлы казлар, шулпа өчен җыелма, эч-башлары аерым төргәкләрдә, эретелгән каз мае тәкъдим ителде.
Сатып алучыларны самавар чәе, яңа пешкән коймак һәм кош итеннән кайнар шашлык белән бушлай сыйладылар.
Сатуда шулай ук сөт продукциясе, камыр ризыклары, йомырка һәм башкалар бар иде. Каз продукциясен 350 кг  күләмдә сатылды.

Яңа елга кадәр каз ярминкәләрен атнага ике тапкыр үткәрерү планлаштыра.

Фото - авыл хуҗалыгы һәм азык-төлек идарәсе архивыннан