«Август-Мөслим» басуларында люцерна чәчелә

"Август-Мөслим" агрофирмасы басуларында 1460 гектар мәйданда Галакси һәм Гюзель сортлы люцерна чәчелә. Бер чәчү агрегаты эшли.

– Яз эссе һәм коры килү сәбәпле, чәчүне җәйгә кадәр кичектереп тордык. Әлеге культура өчен җылы һава кирәк, яңгырлар да июль аенда гына ява башлады. Чәчүлекләрнең яртысы инде шытымнар бирде. Люцернаны бары бер тапкыр - сентябрь ахырында гына чабып алырга планлаштырабыз, - ди агрофирманың баш агрономы Илнур Мотавалов.

Фотолар - "Август-Мөслим" агрофирмасының матбугат хезмәтеннән.