Наркотикларга каршы айлык башланды

Ул 26 июньдә билгеләп үтелә торган наркотикларны куллануга һәм аларның законсыз әйләнешенә каршы Халыкара көрәш көненә багышлана.

Наркотикларга каршы айлыкның төп бурычы - наркомания һәм наркотиклар белән бәйләнгән җинаятьчелек проблемаларына игътибар итү, балигъ булмаганнарның һәм аларның ата-аналарының наркотикларны куллануның тискәре нәтиҗәләре һәм аларның законсыз әйләнешендә катнашкан өчен җаваплылык турында хәбәрдарлык дәрәҗәсен күтәрү,  балаларны һәм яшүсмерләрне сәламәт яшәү рәвешенә җәлеп итү, балалар һәм яшьләр белән комплекслы профилактика эш оештыру.

Айлык кысаларында оператив-эзләү һәм профилактика чаралары үткәрелә. Юлларда ТР буенча  ЮХИДИ хезмәткәрләре наркотик исереклек хәлендә транспорт чаралары белән идарә итүчеләрне ачыклаячак. Биналар һәм корылмалар фасадларында психоактив матдәләр сатуны рекламалаучы язуларны ачыклау һәм бетерү буенча масштаблы эш башкарылачак. Татарстанның иҗтимагый оешмалары балаларга, ата-аналарга һәм педагогларга тәмәке, алкоголь һәм наркотиклар куллану белән бәйле проблемалар буенча психологик ярдәм күрсәтүне дәвам итәчәк.

«Наркотикларсыз тормыш» республика наркотикларга каршы акциясен үткәрү чорында гражданнар өчен кайнар линия телефоны (843) 291-20-02 эшләвен дәвам итәчәк.

Фото - "Мөслим-информ"  архивыннан