Шигырь укучылар конкурсы
Мөслим лицее базасында «Живая классика» дип аталган шигырь укучылар конкурсы үтте. Бәйгенең максаты - укучыларның иҗади потенциалын активлаштыру, балаларның уку сәнгатенә карашын популярлаштыру, талантлы укучыларны барлау һәм аларның укуга булган кызыксынуын арттыру.
Мәгариф идарәсеннән хәбәр итүләренчә, әлеге чарада 30 укучы катнашкан.
5-7 нче сыйныф укучылары арасында
I урынга Г.Тукай исемендәге Мөслим урта мәктәбенең 6 нчы сыйныф укучылары Лилиана Бикмурзина, Руслан Хафизов лаек булды.
II урынны - Г.Тукай исемендәге Мөслим урта мәктәбенең 5 нче сыйныф укучысы Камилә Алмаева һәм Баланны төп мәктәбенең 6 нчы сыйныф укучысы Язилә Хәсәнова бүлеште.
III урынны Мөслим лицееның 6 нчы сыйныф укучысы Диләрә Ханова алды.
Җитәкчеләре - Л.И.Галиева, Р.З.Ногманова, Г.Г.Фаткаева, Ч.М.Галләмова, Л.И.Хәлиуллина.
8-10 сыйныф укучылары арасында
I урынны - Михайловка урта мәктәбенең 10 сыйныф укучысы Аннан Герасимова, II урынны - Әмәкәй төп мәктәбенең 9 нчы сыйныф укучысы Роза Яруллина, III урынны П.Днепров исемендәге Рус Шуган төп мәктәбенең 9 нчы сыйныф укучысы Артем Дойников яулады.
Укытучылары - О.Н.Макарова, Р.Г.Фәррахова, М.Е.Коткова.
10 укучы төрле номинацияләрдә җиңүчеләр булдылар. Конкурсантлар уңышлы чыгыш ясаган өчен грамоталар белән бүләкләнделәр.
Фотолар - мәгариф идарәсе архивыннан.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев