Узып баручы елның соңгы көннәрендә 32 градуска кадәр салкыннар көтелә

Алдагы ике көндә Татарстанда һава температурасы төшәчәк. Бу хакта республика Гидрометеорология үзәге хәбәр итте.  

29 декабрьдә төнлә һәм көндез термометр баганалары -16-21 градуска кадәр төшәчәк, аязганда -25 градус салкын булачак. Көндез һава температурасы -12, -17 градуска кадәр төшәчәк. Аязучан-болытлы, явым-төшемнәрсез һава торышы булачак.

30 декабрьдә көндез урыны белән бераз кар явачак. Төнлә температура -21, -26 градус булачак, көнчыгыш районнарда һәм аязганда 32 градуска кадәр төшәчәк. Көндез -11, -16 градус, ә көнчыгыш районнарда -21 градус салкын булачак.

Россия Гидрометеорология үзәге фаразларына караганда, Яңа ел төнендә һәм яңа елның беренче көнендә җылытачак. Бүген республикада кар явачак һәм томан төшәчәк.

  Подробнее: https://tatar-inform.tatar/news/ecology/28-12-2020/uzyp-baruchy-elny-so-gy-k-nn-rend-32-graduska-kad-r-salkynnar-k-tel-5795820