Тизлек яратучылар спорты

20 ноябрь көнне спорт-масса чаралары дирекциясе белгечләре “Мин ул – тизлек!” исемле картинг ярышлары оештырды. Чараның максаты спортның техник төрләрен популярлаштыру һәм үстерү, картинг йөртү осталыгын арттыру, куркынычсыз хәрәкәт итү күнекмәләрен ныгыту юлы белән юл-транспорт һәлакәтләрен киметү һәм бетерү иде. Картингчылар – 6 яшьтән 12 яшькә кадәр һәм зуррак балалар өч яшь төркемендә ярышты. Җиңүчеләргә һәм катнашучыларга “Яшьлек” спорт комплесының Мактау кәгазьләре һәм истәлекле бүләкләр тапшырылды.