Танышын талаган

Суд тарафыннан ул РФ Җинаятьләр кодексының 161 маддәсенең 1 бүлегендә һәм 158 маддәнең 2 бүлеге “в” пунктында каралган җинаять кылуда гаепләнә. Ягъни ул чит кеше милкен урлаган һәм шуның белән аңа шактый зыян салган, дип хәбәр итәләр район прокуратурасыннан.
Суд утырышында ачыкланганча, 2020нче елның 3 февралендә 16.00 сәгатьләр тирәсендә гаепләнүче үз өендә танышының 15100 сумлык алтын чылбырын тартып ала. Алтын чылбырның 2650 сумлык кулоны да була. Гомуми зыян 17750 сум тәшкил итә. Икенче көнне, 4 февральдә, 6.00 сәгатьләр тирәсендә гаепләнүче үз өендә зыян күрүченең куртка кесәсеннән кәрәзле телефон урлый. Куртка залдагы караватта була. Телефонның бәясе – 6000 сум. 
Гаепләнүче бу җинаятьләрдә үзенең гаебе булуын тулысынча таныды һәм тәүбә итте. Зыян күрүчегә матди зыян тулысынча кайтарылды, дип хәбәр итәләр район прокуратурасы хезмәткәрләре.
Гаепләнүченең гамәлләрендә җинаять рецидивы булуын һәм дәүләт гаепләүчесенең позициясен исәпкә алып, суд аны гаепле дип тапты һәм 1 ел 10 айга ирегеннән мәхрүм итте. Гаепләнүче җәзаны каты режимлы төзәтү колониясендә үтәчәк.
Суд карары законлы көченә керде, дип хәбәр итәләр район прокуратурасыннан.