Мөслимдә “Тоннель” операциясе узды

Профилактик чара барышында барлыгы 120 машина тикшерелде. Иминлек каешын эләктермәгән – өч, балаларын махсус креслодан башка транспортта йөрткән – ике, машинасын тонировкалаган бер райондашыбызга административ беркетмә төзелде. “Тупас тәртип бозучыларны ачыклау максатыннан мондый чара ай саен уздырыла. Чираттагы операциядә без төп игътибарны машинада балаларны дөрес йөртүгә юнәлттек. Чара вакытында исерек килеш транспорт белән идарә иткән бер шофер тоткарланды”, – дип хәбәр итә ДАИның өлкән инспекторы Феликс Мәгъданов.