М12 автотрассасын төзү Татарстанда экологияне сакларга мөмкинлек бирәчәк

Торак пунктларны әйләнеп үтеп, Мәскәү - Казан М12 автомагистрален төзү Татарстанда экологияне саклап калырга мөмкинлек бирәчәк, бу исә урман утыртмаларын компенсацияләүне күздә тота. Мондый фикерне "Югары икътисад мәктәбе"
профессоры, транспорт һәм транспорт сәясәте институты директоры Михаил Блинкин җиткерде. 
«Юл төзүнең дөньякүләм практикасында, утыртуны компенсацияләү, кыргый хайваннарны миграцияләү өчен юллар урнаштыру карала. Серияле эшләнә торган проектта экологик инженерия объектлары булачак», - дип сөйләде ул.
Профессор аңлатканча, торак төзелешен транспорт тавышыннан саклау өчен автомобиль юлының төп йөреше буенда акустик тавыш саклау экраны урнаштырылачак. Шул ук вакытта автотрасса үзе йортларга якынаячак. Торак пунктлардан ераклык 100 метрдан 1,7 километрга кадәр тәшкил итә. 
Шунысын да билгеләп үтәргә кирәк, автотрасса берничә район авыллары территориясе буенча уза. Монда АЗСлар, отельләр, ял итү мәйданчыклары һәм кафелар булган күп функцияле комплекслар булачак. Нәтиҗәдә, җирле халык өчен эш урыннары саны арта, шулай ук кәрәзле элемтәнең сыйфаты арта.
Тулырак мәгълүмат: https://www.tatar-inform.ru/news/society/07-09-2020/stroitelstvo-avtotrassy-m12-pozvolit-sohranit-ekologiyu-v-tatarstane-5769200