Кулы тик тормагач

Суд аны РФ Җинаятьләр кодексының 158 маддәсе 1 бүлегендә каралган җинаять кылуда (чит кеше милеген урлашу) гаепле дип тапты. 
Судта ачыкланганча, 2019 елның апрелендә, дознание тарафыннан төгәл датасы билгеләнмәгән, 12 сәгатьләр тирәсендә З.ның өендә булганда Б., З.ның йоклавыннан файдаланып, аның бензин пычкысын урлый. Нәтиҗәдә З.га 3 мең сумлык зыян килә. 
Гаепле үз гаебен таныды һәм зыянны каплады. Суд, аның элек хөкем ителгәнен исәпкә алып, аңа 4 ел 1 ай 10 көн иректән мәхрүм итү рәвешендә җәза билгеләде. Җәзаны ул каты режимдагы төзәтү колониясендә үтәчәк. 
Район прокуратурасы.

Фото - Pixabay.com